Statutory warning: This may ruin your day. If you haven't been born, brought up, or lived in Mumbai, the following might be a little hard to follow. I'll put up an Onkar's 'Mumbaiya for dummies' up soon.

Julie aur Sulie do bhain lok rehtai, bolegato, ekdam judva. Lekin dono me solid fark rehtai.
Julie, bole to, ekdam smart, chikna, jhakas, ta-pao type rehtai. Lekin, Sulie ekdam fulltoo lukkha.

Ab kya malum, bachpan se na, Sulie na, vo kya boltai, ekdam stubborn rehtai, bole to, ziddi.
To Julie ko jo mangtai, vo-ich Sulie ko bhi mangtai. Julie ko doll mila to Sulie ko bhi mangta. Julie ko bangle mila to Sulie ko bhi mangta. To vo lok ka ais aur bapus kaisa to karke double double kharidta hoenga.
Aisa karte karte bees saal guzr gaya.

Dono ladki lok ekdam jawan vagaira huela tha. To vo lok ka bapus bola, tum lok ka shadi banaenga. To Julie top ka maal bolke uska shadi karodpati businessman se banaya. Lekin sala jo koi bhi Sulie ko dekhne ata tha, Sulie usko line dene ka chhodke hool derela tha. Finally, ek fatichar funtoosh lukkha usko pasant pad gaya aur vo do lok shadi banaya.

Ab shadi ka baad, Julie frdige leta hai baap. To Sulie ko bhi mangta. Vo pati ko boltai. Pati bechara garib, lekin sala biwi banaya to thoda load leneko pad-ing sochke vo kharid letai.
Agla mahina, Julie ka rais pati uska vaste air-condition latai. Ab Sulie ko bhi apna magaj-thanda karneka rehtai. To vo apna pati to nag kartai. Pati ka para chadh jatai, lekin kya karega, vo udhar nikal ke air-condition latai.
Ab, bole to, Julie maaldaar rehtai to usko koi panga nahi hotai. Vo agla mahina car kharid letai, ekdam jhakas Marsidis Benj, bole to. Sulie bhi zidd kartai. Pati ka bheja out, lekin sala karega kya, world cup chalu hai, aur Sulie TV ka remote chhupa ke rakhelai. To vo apna gaav ka zamin bech dal ke ekdam top ka Marsidis modal kharid letai. Sulie ka Tilaknagar mai kya vatt badhtai boss....
Lekin apna Julie koi halka pelwan nai na, vo agla mahina gadi bech ke luxury bus kharida. To Sulie ko bhi mangtai. Pati ka mendu solid bhadak jatai to vo boltai, 'Abe e item, dimaag ka dahi mat bana, bahut ho gaya tera natakbaji. Abhi apun tera ek nahi sunega. Apun dost ka ghar jarelai World Cup dekhneko.' Aisa bolke vo udhar se kalti.
Ab Sulie kya karega, apna car bech ke aur vo paisa ko dagina bech ke add karke vo bhi luxury bus kharid letai.

Ab bhailok dhyan deo, climax a relai. To ek din Julie aur Sulie apna apna bus mei picnic ko jatai, garden mei baith ke bahut gappa tappa martai. Ab evening huela to vo lok apna apna bus ko jatai aur dekhtai to kya!!!
Ai chya gaavat! Sala dono bus mei steering wheel gayab, seat gayab, gearbox gayab, sab kuch gayab!!!
To apna ankh se aasu poch ke Sulie Julie ko kuch to boltai.

Ab ekdam simple Koshchan: Sulie Julie ko kya boltai?





"NA KUCH TERE BUS MEI, JULIE, NA KUCH MERE BUS MEI..."

Ok, now that I have ruined your day, my work here is done....